ROSELAND MUSICAL

“Sorkuntza honetan, geometriara hurbiltzen gara zenbait eszenatan banatutako ikuskizun abstraktu batean. Leitmotiv-a dantza garaikidea da, eta hari eroalea forma geometrikoak. Musikak, testuak, irudiek eta 3D proiekzioek osatzen dute ikuskizuna, ikuslea bertan parte hartzera animatuz”.

Dantza eta teknologiako ikuskizun honen abiapuntua gizateriaren zientziarik zaharrenetako bat da, Geometria alegia, objektuez edo irudiez eta espazioan dituzten harremanez arduratzen den ezagutzaren adarra: distantzia, kokapena, azalera, bolumena, forma, desplazamendua, proiekzioa eta irudikapena. Badirudi geometriak, dantzak, musikak eta irudiak hizkuntza komuna partekatzen dutela.

Abiapuntutzat elementu geometrikoak hartzen dituzten 3Dko proiekzio harrigarriak. Zirkulu bat, karratu bat eta triangelu bat dira musika, irudia eta mugimendua konbinatzen dituen muntaketa liluragarri honetako hiru protagonistak: dantza garaikidea, akrobazia, hip-hop-a. Teknologia eta geometria inspirazio-iturri izugarria dira irudiarentzat. Sorkuntza horretan, berez berritasunik ez dakarten baliabide teknologikoak erabiltzen ditugu: laserrak, led-jantziak, proiekzio geometrikoak eta 3Dko proiekzioak, baina berritasuna da dantzarako euskarri moduan erabiltzeko manera, hori baita ikuskizunaren funtsezko elementua…

Iraupena: 60 minuntu
Zuzendaritza Artistikoa: Marta Almirall
Koreografia-Zuzendaria: Anna Planas
Testuak Eta Jantzien Diseinua: Montse Ginesta
Koreografia: Aina Lanas, Arias Fernández
Dantzariak: Aina Lanas, Guillem Ripoll, Anna Sagrera
Covers: Miriam Salvador
Ikus-Entzunezkoa: Onionlab
Argien Diseinua: Andreu Fàbregas
Musika-Sorkuntza: Xavier Oró
Ekoizpena: Roseland Musical
Argi Eta Soinu Teknikaria: Pau Farreny / Gemma Abellán
Bideo Teknikaria: Marcel Bagó / Rubén Carrillo
Fotografia: Cases i ballairins, Jordi Pont, Sergi Garriga
Kolaboratzailea: Miguel Hernández Aretoa (Sabadell)