DANIEL ABREU

Daniel Abreu – Dantza Sari Nazionala 2014 Sorkuntza modalitatean
Dácil González – Dantza Sari Nazionala 2019 Interpretazio modalitatean
Max sariak 2018: Koreografia onena · Dantza ikuskizun onena · Dantza interprete onena

”Proposamenaren arriskuak erretinan iltzatzen diren irudien paleta bikaina sortzen du. Pare bat aldiz keinuka egin behar dugu, eta horrela, munduaren irudi berria erabat aldatzen duen itsutasun-mikrosegundo horren biktima bihurtzen gara”. Patricia Jorge | querevientenlosartistas.wordpress.com

Lana zure burua maitatzen jakitearen inguruko proposamen poetikoa da. Bi irudi eszenatokian, polaritatearen ideia eta heriotzatik maitasunera egindako bidaia seinalatuz. Haiekin batera doaz musika, musikaria eta haizearen soinu sakona metal gainean. Biluztasunak intimitate leku horri dagokio, eta han galderak ez dira dagoeneko existitzen. Edertasunaz ari gara, dagoenaren eta gertatzen denaren biluztasunean. Batzuetan gaizkia opatzea da, eta beste batzuetan, beroa eta izerdia ukitu eta trukatzen duen esku baten sublimetasuna. Aldian behin, maitasuna baliatzeko eta hura mantentzeko ariketa. Eraiki eta suntsitu egiten da, arnasa hartzean bezala. Unibertso bakoitzean sartzen denari buruzko dantza dugu hau, irensten saiatzen dena, gero oka egin eta egindakoaz zerbait berria sortzeko.Loturak sendotzeko bultzada pizten duten bi pertsona ditugu, baina bat egite lasaiak nahi dituzte, haiek azkar desegin ahal izateko. Hori guztia Hugo Portasen soinu-unibertsoarekin zuzenean hornituta.

Zuzendaritza, koreografia eta espazioa: Daniel Abreu
Interpreteak: Dácil González eta Daniel Abreu
Musikaria: Hugo Portas
Musika: Tarquinio Merula, Claudio Monteverdi, Gabriel Fauré eta Henry Purcell
Argiak: Irene Cantero
Eskulturaren egitea: David Benito
Jantzien egitea: Ángeles Marin
Koordinazio teknikoa: David Benito
Produkzio-laguntzailea: Teresa Rivera
Banaketa: Elena Santonja · Esmanagement
Koprodukzioa: Teatros del Canal eta Festival Danzatac
Hauen kolaborazioarekin: Tenerifeko auditorioa, Canal dantza zentroa eta Tenerifeko Victoria antzokia.

2004an sortua, Daniel Abreu konpainia Espainiako postu nabarmenetako batean dago. Daniel Abreuren lan koreografikoa ezaugarri hauek definitzen dute: interpretazio-lengoaiaren tresna sinpleak, dantzarien indarra eta nortasuna, pisu hurbil eta onirikoa duten irudiak eraikitzera daramaten paisaia iradokitzaileak eta soinu ingurune sentikorra. Irudi eszenikoaren itzulpenek eta zama poetiko handiko kontakizunek –obra bakoitzekoezaugarri dira– sorkuntza bakoitzari eusten diote, bakarkako formatuan zein talde lanetan.

Daniel Abreu konpainia hiztegi fisikoa eta gorputzetik komunikatzeko bokazio handia dauzkaten dantzariek osatzen dute. Orain arte, konpainiak 60 lan baino gehiago estreinatu ditu. Konpainiak birak egiten ditu aldiro-aldiro Europa, Amerika eta Asiatik, eta 30 herri baino gehiago bisitatu ditu, haietan oihartzun handia lortuta bai ikusleen artean bai prentsa espezializatuan. Zenbait erakunderen babesa jasotzen du, hala nola Hezkuntza, Kultura eta Kirol Ministerioarena, Cervantes Institutuarena eta Madrilgo Erkidegoarena, besteak beste. 2011. urtean, Daniel Abreu konpainia hasi zen Mercat de les Florsek gidatzen duen Modul Dance europar egitasmoaren parte izaten.