NAZIOARTEKO DANTZA JAIALDIA
 

HOME2018-09-17T18:29:26+00:00

DANTZALDIA 2018

La FuNdicIOn-en programa bat

PDF Programaren deskarga

Betiko legez, gure ideia da edizio berri hau zuekin eta sortzaileekin partekatzea, gorputza beti protagonista. Edizio honetan hainbat gauzarekin gozatu ahalko dugu: irudimenaren ahalmenaz, soinuaz eta isiluneez, anabasaren poetikaz, errituaz… eta beren-beregi «aitzindarien» begiradatik (memoria eta transmisioa, hau da, nondik gatozen jakitea nora joan gura dugun jakiteko). Eta horretarako, ikuspuntu eta interpretatzio hauek berrikusteko aukera emango diguten artistak/lanak izango ditugu gurekin.

Hasteko eta behin, zuekin egongo gara Inaugurazioan, irailaren 27an Rekalde aretoan, Fabián Thomé-ren pieza batekin. Sidi Lharbi Cherkaoui konpainian ere dantzatzen du Thomék, eta oraingo piezan zuzeneko musikaj oko du Park Woojae artistak…

Urriaren 4an Jérôme Bel piezaz gozatuko dugu Azkuna Zentroan. Jérôme Bel-ek 90etan plazaratu zuen bereizena daraman ikur-pieza horrek lerro eszeniko kontzeptual osoa sortu zuen eta eragin handia eduki zuen bai Frantzian bertan bai gainontzeko herrietan. Izan ere, esandako pieza La Fundiciónera ekarri genuen 98. urtean, eta garen bidez berraurkituko dugu geroan hainbeste sorkuntza ekarri duen elementu fundatzaile hura.

Eta azaroaren 13an, Bizkaia Aretoan, Cesc Gelabert-ekin berrekingo diogu jaialdiaren aldi trinkoari. Kataluniako dantzaren historia berarekin hasi zen 80ko urteetan, eta orain ibilbide luze hartako ekarpen batzuk ekarriko dizkigu bere pieza eta tailerrekin.

Flamenko berriko pertsonaia batzuk: Olga Pericet eta Enfoque pieza Carmen Amayaren figuraren inguruan eta Eduardo Guerrero bere Guerrerorekin eta Sun Tzu estrategaren teoriekin BBK Aretoan azaroaren 10ean eta 22an.

Bitartean, azaroaren 17an Mumusic Circus konpainiak bere Amigoo pieza aurkeztuko digu Guggenheim museoan: «kontrabaxuaeskuan» dakarrenzirkusamur eta intimoa, alegia. La Otra Danza-Asun Noales konpainiak erritura hurbilduko gaitu Rito izeneko zirkulu magikoan azaroaren 29an Ensanche Eraikinan. Eta makina bat sari jaso duen Marta Carrasco-k anabasarantz eta eromenerantz eroango gaitu Perra de nadie lanarekin azaroaren 24an eta 25ean La Fundición aretoan.

Eta Zinea, Dantzaldian ohikoa dena eta edizio honetan EHUko ikus-entzunezko komunikazio departamentuaren kolaborazioarekin datorrena, Zinea eta Dantza-Begiradaren koreografiak egitasmoaren eskutik etorriko da.

Olga Pericet eta Cesc Gelaberten Masterclass-ak eta Tailerrak. Heziketa-jarduera horietan profesionalek, ikasleek eta zaletuek parte hartu dezakete, eta jarduera zikloa sortzaileekin izango diren Topaketek itxiko dute.

Zuen zain egongo gara DANTZALDIA jaialdiaren XIX. edizioan parte hartzen duten gune kolaboratzaile guztietan eta haiekin GUZTIEKIN.

Beste jarduera batzuk